Model hlui pakhat chuan Axl Rose chu mipat hmeichhiatna hmanga khawihnawmnaah tlai khaw hnu ah puh.
Guns N Roses zaipu hian 1989 khan Shella Kennedy chu tharum hmangin a bei niin, New York’s Supreme Court-a thubuai thehluh ah tarlan a ni.
Kennedy chuan hetih lai hian kum 26 mi a ni a, Axl Rose erawh 27 niin, New York-a night club pakhatah an inhmu niin a sawi a. Rose hian hotel room lamah sawm a hetah hian han inchuk deuh zuai zuaia bul an tan hnu ah Rose hian bang lamah nawr betin boruak a chhe zui viau nia hriat a ni a. Hemi tum hian Rose hi model dang lakah pawh a tal na viau nghe nghe.
Kennedy sawi zel danin, midang laka a chet dan thlengin en liam theih a ni lova, bungrua ang maia ngai a, a khawsak dan chu hur herh thil u chuak tak niin, a remtihna leh phalna pakhatmah a tel lo, a ti.
Heti anga inpuhna leh thubuai hial siam a nih chungchangah chanchin buatsaih lai thleng hian Rose hian official taka chhanletna a la nei lo.