K-pop hmeichhe group BLACKPINK chu Lal Charles hnen atangin chawimawina ropui Order of the British Empire (MBE) an dawng.
BLACKPINK member pali- Jennie, Jisso, Lisa leh Rose te hi November 22 khan South Korea President Yoon Suk-yeol-a’n UK-a tlawhnaah tel ve in, hmeichhe group lar tak hian Glasgow-a neih zawh tak COP26 Summit-a an thawhhlawkna hriatpuiiin MBEs hi hlan an ni, tiin Buckingham Palace-in thuchhuah siamin a tarlang.
Lal Charles nena hmaichhan a inhmu a, chawimawina hlan an nih lai hian Lal chuan, “Kum tam a liam hnu pawha an inla inkawmngeih a, in la inbe reng thei hi thil mak tak a ni,” tiin fiamthu titak deuhin a hrilh a, hun remchang a awm phawt chuan an perform lai en ngei a inbeisei thu a hrilh bawk.
Hemi ni vek hian Buckingham Palace pawn lama guard inthlak lai hian khuallian rual South Korean te zahna leh chibai thami nipahfawmin K-pop hla lar tak tak chu military band-in an play a, hetah hian Blakcpink hla lar Ddu-Du Ddu-Du leh Psy ‘Gangnam Style’ te a tel.