Mizoram State Assembly inthlanpuia vote tlate chhiar hun, December 3, 2023 (Pathianni) sawn tura Election Commission of India (ECI) hotute hmu tura Delhi-a kal NGO Coordination Committee hruaituten nimin khan ECI hotute an hmu thei lo.
NGOCC hruaitute hian appoinment nei lawk lo mah se, ECI hotute hi hmuh ngei tumin nimin chawhma lam khan ECI office-ah an kal a, hun eng emaw chen an nghah hnuah pawh an hmuh theih loh avangin tlai dar 5:30 velah an thlenna hmun panin an kir leh nia thudawn a ni.
Vawiin lamah NGOCC hruaitute hian ECI hotute hi hmuh an tum leh dawn a, an hmu thei dawn nge nge dawn loh hriat a la ni lo.
Hetih lai hian nimin zing khan ECI dawr tura Delhi-a kal, NGOCC mmittee hruaitute chu Dy. Chief Minister Tawnluia’n Mizoram House-ah kawmin an senso atan ama mi mal sum Rs. 50,000 a hlan.
Ningani zan khan NGOCC hruaitute hi Rajya Sabha MP K Vanlalvena’n zanriah a kilpui bawk.
November 23, 2023 khan NGOCC hruaitute hi ECI dawr turin Delhi an pan a ni.