- Lallunghnema, Charity Lodge
Chibai u le,
Ka Column min lo chhiarsak thintute hnenah lawmthu ka sawi e. Consumer right leh freedom-te hi khaw laiah a let reng a.Kan hman tangkai duh athu a ni.Consumerten harsatna an tawh chhan chu seller leh service providerten dan an zawm that duh loh vang a ni a.
Consumerte leh sellerte inkar a that loh chuan ,’issue’, a lo awm thin a ni. Ka thu ziakte hi thil tha lo hawtute leh duh lo tuten in chhiar thin tih ka lo hriatin ka lawm em em a ni. Mahse,hetih mek lai hian thil tha ngaihtuah peih lo ho chuan an en liam mai mai thin a ni.Tin,Consumer right kan au chhuah pui thinte chu chhiartuten in lo tangkai pui thin tih ka lo hriatin ka lawmna a zual thin.Hengte hi kei ka tan chuan chona nasa tak a ni a, feed- back tha tak a ni bawk.
Tun lai khawvela media tangkai leh lar tak zing mi WhatsApp Group-ahte hian kei pawh hi ka awm ve nual a. Khaw chhuak Group ringawt pawh hi pahnih-pathum a awm a. Veng leh Kohhran pual WhatsApp Group -ahte hian ka tel ve nual bawk.
Heng bakah hian thian thenkhat WhatsApp Group -ah te hian ka tel ve nual bawk. Heng WhatsApp Group-te hi active taka en thin tur chuan hun neih tam hle a ngai a ni . Status an tihah hian keima phuah chawp thurâwn te ch ka tar chhuak thin a, viewer ka nei nual thin.Ka maxim-te hi zirtir nei tha ve tak takte an ni hlawm a. A buin ka chhuah nghe nghe a ni.A bu hmingah KIMNA KAILAWN tih ka vuah. Hengahte hian consumer thil ka telh tam lem lo. Kimna Kailawn bu hi Synod Bookroom leh Baptist Bookroomah an zuar mèk.Lo ngaihven thei kan awm chuan a lawmawm khawp ang. Bu 1 Rs 150/- lawih erawh a ni.
Tun lai khawvelah hian WhatsApp hi Media pawimawh ber zinga mi a lo ni ta reng mai. Heng Media te tel lo hian kan khawsa thei meuh tawh lo a ni.Kei ve pawh hian ka tangkai pui em em a ni. WhatsApp khawih thiam lo chu rual pâwl lo kan ni ringawt. Chuvang tak chuan ka zir a, chaw nghei lo tawkin ka thiam ve ta!
Tun tumah hian consumerte dikna leh chanvo ka buaipui pherh erh avang hian WhatsApp message ka dawn then khat leh ka thu leh hla tun hnai tê a mi ka rawn tar lang dawn a ni.
Heng hi chhiar rawh:
“Consumer nih inhriat loh hi misual sim tur nei lova inhriat aiin a ât thlak zawk.”
“Hlawh bâk lâk luh duhna rilru hi tun hma atang tawh khan hna thawktu Mizo rilruah hian a awm tan tawh a. Thamna leh Hlem hletnate hian nasa takin thawktute thinlungah zung a lo kaih tawh a ni. Chuvângin dâwt sawi kan zak lova, mahni income mil a khawsak kan tum tawh hek lo. A hautak thei ang berin kan khawsa mèk a ni. Loan lâk theih apiang kan la a, in leh lo dinin motor changkang kan nei a. Kan fate zirna tha thaah kan lo dah thei cheu tho mai! Bâin kan khawsa a, hlawh lak tur a lawi kan neih si loh avangin kawi su rutin sum kan zawng thin a nih hi, ka U! Kut tling lovin sum lak luh kan tan a. Corruption thing kan phum a, phawi chhuak theih tawh loh khawpin zung a kaih nghet mêk a nih hi!. Society-in a tuar mek a ni. A hlet chu party politics khelh a ni.”
“Hnam tlem, inthurual tlem, mihring tlem, inlungrual tlem kan ni. Huau Huau ngaina, hreawm tuar peih lo kan ni. Insawisel hrat tak, Inchawimawi hreh tak kan ni. Lemchan thiam lo, a lema nun thutakin kan ni. Ral khata hotute sawisel thin, hmaichhan a, fak hurh hurh ching hnam kan ni”
“Inrinni sumdawngte dan bawhchhiat ni”
“MRP aia sanga thil hralhtute hi nangmah rawktute chu a ni.”
“Vai thirchhe zawng I en the u, An inthlah dah ngai lo asin.”
“Bazar mi kan lo thleng leh ta! In ni chhungkhua mamawh I lei tur ziak chhuak vek la, I mamawh chuang liam lei suh.”
“Thu i sawi hmain ngaihtuah hmasa thin phawt rawh”
“I thu sawiah ding ghet rawh.”
“Consumer nih inhre lo ho hi mi vanduai ber an ni.”
On-line a thil chah hian fimkhur hle rawh u. Pawisa pe lawk thin suh u. Mi tam takin hetianga bungrua chah na a,pawisa pe lawk zinga harsatna nei te hian min Fcsca fan thin. Buaipui hah thlak a tling. A pawi em em a ni. Online kal tlang a thil chah ho zinga a tam zawkin harsatna an tawk mek. Chuvangin On-line a thil chah hmain belh chian hmasak thin tur a niin company rintlak zawn hmasak thin tur a ni.Bungraw chah hi rual pawl nan a hman loh tur.
Kan thianpa thil tawn hriat hi i lo inzir fin theih nan ka rawn khar chhawng a. Lo chhiar teh u. A hming erawh ka thup thung e.
“Amazon atangin On-line-in lehkhabu 2 ka chah a.
1) Reason to believe by Scot Hahn- ni 23/10/23.
Hei hi 10/11/23- ah an rawn deliver hman loh avangin a tuk 11/10/23 a, an han deliver tur thu phone call ka dawng a. Mahse engmah inhriattir zui awm lovin 14/11/23 ah an returned.
2) Jesus and the Jewish Roots of the Euchrist Order date 19/10/23. Hei hi engmah sawi lovin 4/11/23 ah an returned leh tawp.
Payment on delivery-a chah mah ni se, lehkhabu hi an lo thlen hun nghakhlel takin ka lo thlir a, mahse engmah sawi lo a, min return sak leh ringawt thin hi chuan rilru a na duh khawp mai.
Hetiang lam hi mi dang chungah pawh a thlen loh nan Aizawl a Amazon delivery agent-ah hian a tul ang a, hma min lo laksak theih chuan ka lawm hle ang.”tiin.
Hetiang hi a ni fo. A pawi em em! Thil ti tha duh lo Delivery Agent leh Delivery Person-te hi an chapoin an duh dan danin an che niin a lang a.A tul dan a zirin hma chhawn zel an ni ang.
Khu lam, vai ram lama Consumer Case pakhat ka han rawlruk lawk ang che u. Sap tawng bawkin aw!
“Ernakulam District Commision Holds Samsung India Liable For Deficiency In Service For Returining Defects In Newly Bought Refrigerator.”tih hi.
Mizo tawng chuan, “Samsung Company lar tak chuan Refrigerator hralh chhuaha tharah thil dik lo felhlel a pek avangin Ernakulam District Consumer Commission chuan mawh a phurh tir,” tih ang vel a ni ber. Commission hian Samsung Company hian misleading advertisement tiin customer nasa takin an hip a.Customer pawh an ngah phah a ni.Mahse,hetih lai hian an mawhphurhna an ngai pawimawh lova.An thutiamah an ding lova.Chuvangin Deficiency in Service an ti nasa thin hle a ni,tiin thiam loh a chantir nghe nghe a ni.
Tun atan chuan kan duh tâwk tawh rih ang.
Ni hman nuam vek u le!
I thil lei tur chu bel chiang hmasa zel rawh.
- Please join: Centre For Consumer Education, Republic, Mual Vengchung.
Contact: 9862288182