Aizawl : Directorate of Ayush, Health & Family Welfare Department, Government of Mizoram hmalaknain Zirtawpni kalta khan Home Missions School, Kolasib-ah Ayurvidya (School Health and Education Programme) buatsaih a ni.
District Hospital Kolasib aṭangin Senior Medical Officer (Ayu- sh) Dr C. Vanlalhlim- puia hovin Dr Lalrin- zuali, Medical Officer, Health and Wellness Centre leh thawktu dang ten hun an hmanpui a. SMO (Ayush) Dr C. Vanlalhlimpuia chuan powerpoint presentation hmangin Ayush System of Medicine chungcha- ng leh hriselna leh thianghlimna inkungkaih dan a zirtir a. Physical & Stress Management Instructor R. Lalhmangaihzuala’n zirlaite chu basic yoga exercise zirtirin, hrisel nana taksa sawizawi pawimawhzia a zirtir.
He hunah hian a thlawna inentirna (free clinic) buatsaih nghal niin, zirlai leh zirtirtu 97 hriselna dinhmun endik a ni a. A thlawnin damdawi engemawzat sem a ni bawk.