Khawzawl district huamchhunga Cooperative Society 29 hruaitute tan nimin khan Mizoram State Cooperative Union (M- SCU) hmalaknain Kha- wzawl-ah training buatsaih a ni a. Khawzawl district pian hnua district pum huapa Cooperative Society te tana training buatsaih hma- sakber hi Khawzawl Bawrhsap K. Lalrohlua’n a hawng a ni.
Khawzawl Bawrh- sap chuan Khawzawl district an nih hnua a tumkhatnana Cooperative Societies training neih a ni chu lawmawm a tih thu leh member te an tel that avanga lawmawm a tih thu a sawi a. Khawzawl district a chengte chu Mizoram-ah a district anga taima bera a ngaih thu sawiin, eizawnna kawngah La- khuihthei, Tomato, Sap- thei, Balhla, Sawhthing etc. te chu khaw hrang hrangah an thar chhuak nasa hle tih a sawi.
Heng eizawnna peng hrang hrang te hian hma an sawna, hma an lak chhoh zel theihna turin Society dinin sorkarah an in register a pawimawh tih Khawzawl Bawrhsap chuan a sawi a. Khawzawl district chu district thar a nih thu leh hmundang atanga Cooperation department in a la hmui rih mahse, District Officer etc. te Khawzawlah a la dah theih reng tih sawiin, DC Office-ah emaw an thutna tur hmun remchang an ngaihtuahsak theih thu a sawi bawk.
Training hi CEO, MSCU K. Lalduhawma’n kaihruaiin Chairman, MCAB Ltd. Lalnunsanga pawhin thu a sawi a. Thupui pahnih – ‘Primary Society nihphung leh inrelbawlna’ leh ‘Role and importance of Cooperative Leaders’ tih hmangin TC Lalchawimawii, CDO, MSCU leh R. Lalthlengliana, FEO, MSCU ten zirtirna an pe a. Zawhna leh chhanna hun hmangin sawihona hun an hmang bawk a ni.