Aizawl FC in kar hnih chhunga away inkhel vawi li an hmachhawn tura hmasa ber Thawhlehni zanah khan an khel a, Rajasthan United FC nen 2-2 in an inhnehtawk.
Deccan Arena-ah Aizawl FC hian tum hnih si phur mahse an sut thei ve ve a. Minute 23-na leh 31-naah Lunkim Khongsai leh Richardson Denzell ten goal an khung inkarah Aizawl FC tan Lalrinzuala chuan goal a khung a. Second half-ah Rinzuala bawk hian minute 68-naah an si phurh sut lehin an striker rinrawl hian tun season I-League-ah match ruk atangin goal ruk a khung tawh.
Aizawl FC hian Inrinni chawhnu dar 2 hian Real Kashmir an hmachhawn leh ang.