Bayern Munich leh Germany goalkeeper Manuel Neuer chuan kum 2025 thleng Bundesliga champion hnena cham turin contract thar a ziak.
Kum 37 mi hi October thla khan thla 10 chuang ke ruhtliak avanga a chawlh hnuah a inkhel leh tan a. A club-ah hian kum khat leh a chanve dang a la inkhel leh dawn.
“FC Bayern-ah kum khat dang ka la awm leh tur hi ka lawm hle. Ka inhliam avanga ka chawlh rei hnuah inelna sang berah ngai ka awh leh thei hi ka lawm hle.” tiin a sawi.
Neuer hian Bayern tan hian match 500 a khel tling teuh tawh a, an hnena a cham chhungin league title vawi 11 a la tawh.
Neuer hian sawi belhin, “Team tana chhunzawm zel hi ka tan a pawimawh a, kan hma lamah hlawhtlinna tam tak kan neih theih ka beisei.” tiin 2025 Champions League final Munich a nghah turah final luh ngei a chak thu a sawi.