- Narendra Modi
Vawiin hi India in G20 Presidency dinhmun a chelh ni 365 na ani a. Hei hi Vasudhaiva Kutumbakan. “One Earh, One Family, One Future” hre reng chunga kan thlirna ni se.
Nikum lama he mawhphurhna kan lak lai hian khawvel boruak hian harsatna hrang hrang a tawk a, chungte chu Covid-19 hri leng atanga harhchhuahna te, boruak hlauhawm lo thleng tur te, sum leh pai lama inthlak danglamna te, leh ram thang mekte leiba lama harsatna te, heng zawng zawng hi multilateralism tlahniam zel karah a ni. Buaina leh inelna karah hmasawnna lama thawhhona a tuar a, hmasawnna a tikhawtlai a ni.
G20 Chair chelh lai khan, India chuan khawvel ram hrang hrang tanrualna turin GDP-centric kha human-centric a thlak turin kan chhawpchhuak a. India in a tum ber chu khawvel mi zawng zawng khaikhawm a ni. Khawvel pum huap inbiakna chu a lo inthlak danglam a ngai ta a ni – mi tlemte duhdan chuan mi tam tak duhthusam chu hmun a chang ta a ni. Hei hian kan hriat angin multilateralism siamthatna bulpui a mamawh a ni.
Inclusive, ambitious, action- oriented, and decisive — heng thu palite hian G20 president anga kan kalphung chu a sawifiah a, G20 member zawng zawngten lungrual taka pawmin New Delhi Leaders’ Declaration (NDLD) chuan kan tumna te hi a tilang chiang em em a ni.
Inclusivity chu kan presidency chhunga kan ngaih pawimawh ber a ni a. African Union (AU) chu G20-a member nghet atana telh a nih avangin African ram 55 chu forum-ah hian a inzawm khawm a, khawvel mipui 80% huam turin a tizau a ni. He proactive stance hian khawvel pum huapa harsatna leh remchangte chungchangah inbiakna zau zawk a siam a ni.
A vawi khatna atan Voice of the Global South Summit chu India in edition hnih ngawtin a huaihawt a, Multilateralism in her tharna-a a tam thei ang ber an telna tur a ni. India chuan khawvel thlang lam ram te a ngai pawimawh a, hmasawn mek ram te he kawng tharah an tel nan hian nasa takin hma ala a ni.
Inclusivity hian India ram chhunga G20 kalphung dan pawh a her danglam a, khawvela democracy ram lian ber nena in mil People’s Presidency a ni ta a ni. “Jan Bhagidari” (mipui telna) event hmangin G20 hian mipui tluklehdingawn 1.4 a thleng a, state zawng zawng leh Union Territories (UT) te chu thawhpui angin an tel a ni. Tin, substantive elements-ah chuan India chuan international attention chu hmasawnna tum zau zawk lam hawia kalpui a nih theih nan a enkawl a, G20 mandate nen a inmil a ni.
2030 Agenda laihawl pawimawh takah India chuan G20 2023 Action Plan to Accelerate Progress on the Sustainable Development Goals (SDGs) a thlen a, thil inzawmkhawm, hriselna, zirna, hmeichhia leh mipa inthlauhna leh boruak humhalh theihna tur a ni.
He hmasawnna thlentu pawimawh tak chu Digital Public Infrastructure (DPI) nghet tak a ni. Hetah hian India chuan a rawtna siamah thutlukna a siam a, digital innovation, Aadhaar, UPI, leh Digilocker te ang chi revolutionary impact chu a mit ngeiin a hmu a ni. G20 kaltlangin Digital Public Infrastructure Repository chu hlawhtling takin kan zo a, hei hi khawvel pum huapa technology lama thawhhona kawngah hmasawnna lian tak a ni. He repository hian ram 16 atanga DPI 50 chuang a awm a, Global South chu DPI siam, pawm leh scale-na kawngah a pui dawn a, chu chuan mi zawng zawng huapzo hmasawnna thiltihtheihna chu a hawng thei dawn a ni.
One Earth kan tih hian a tum ber chu a rang thei ang bera a tha zawka inthlak danglamna, hmasawnna ngialnghet leh inthlauhna tih zim a ni a. Declaration-a ‘Green Development Pact’ hian riltam dona leh planet humhalh inkara duhthlanna kawnga harsatna awmte chu a sawifiah a, hnathawhna leh ecosystem-te chu a inthlau hle a, ei leh in lama boruak a ngaihtuah a, thil siam chhuah chu planet-friendly a ni. Chumi rual chuan G20 Declaration chuan kum 2030-ah khawvel pum huapa renewable energy capacity chu a let thum zeta tihpun a phut a, Global Biofuels Alliance din leh Green Hydrogen tana thawhhona tha tak nena inzawm chuan G20-in khawvel thianghlim zawk, greener zawk siam a tumna hi hnial rual a ni lo. Hei hi India ram ethos a ni fo tawh a, Lifestyles for Sustainable Development (LiFE) hmang hian khawvelin kum tam tak kaltaa kan sustainable tradition atang hian hlawkna a hmu thei a ni.
Tin, Declaration hian climate justice leh equity lama kan inpekna a tarlang bawk a, Global North atanga sum leh pai leh technology lama tanpuina nasa tak pek a phut bawk. A vawi khatna atan hmasawnna sum hmanna lian tham takah quantum jump mamawh chu hriatpuina a awm a, dollar tluklehdingawn atanga dollar tluklehdingawn tam takah a kal ta a ni. G20 chuan ram thang mekte chuan kum 2030-a an Nationally Determined Contributions (NDCs) tihhlawhtlin nan dollar tluklehdingawn 5.9 an mamawh tih a pawm a ni.
Monumental resources mamawh te ngaihtuah chuan G20 chuan Multilateral Development Bank tha zawk, lian zawk leh tangkai zawk siam a pawimawh thu a sawi a. Chutih rual chuan India chuan UN siamthatnaah hma a la mek a, a bik takin UN Security Council ang chi principal organ-te siamthatna kawngah hma a la mek a, hei hian khawvel pum huap inrelbawlna mumal zawk a siam thei dawn a ni.
Declaration ah hian Gender equality- hmeichhia leh mipa intlukna hi ngaih pawimawh a ni a, hemi atan hian kum thar atanga kalpui turin Working Group on the Empowerment of Women a din a ni. India Women’s Reservation Bill 2023, Parliament leh State Legislative Assembly inthlan a hmeichhia te tan one third seat hauh lawkna hi hmeichhia te dinhmun chawi sanna atana kan tum ruh zia tilangtu a ni.
New Delhi Declaration hian heng thil pawimawh tak takte zingah hian thawhhona rilru thar a keng tel a, policy inmilna, sumdawnna rintlak, leh boruak chungchanga hmalakna tum nei tak takte a ngaihtuah a ni. Kan Presidency chhung khan G20 hian outcome 87 an nei a, document 118 an pawm a, hei hi tun hma aiin a sang chho hle a, hei hi chhuanawm tak a ni.
G20 Presidency kan neih chhung hian India chuan geopolitical issue hrang hrang leh economic growth leh development-a a nghawng dan tur ngaihtuahhona a kaihruai a. Firfiakte leh civil mite awmze nei lo taka thah hi pawm theih a ni lo a, zero-tolerance policy hmanga kan hmachhawn a ngai a ni. Hmelma aia humanitarianism kan embody a ngai a, hei hi indona hun a ni lo tih kan sawi nawn leh tur a ni.
Kan Presidency chhung khan India hian thil mak tak a ti thei hi ka lawm hle a ni: multilateralism a tiharh thar leh a, Global South aw a tichak a, hmasawnna a champion a, hmeichhiate chakna tur a bei a, hmun tinah.
G20 Presidency Brazil hnena kan hlan lai hian, mipui, planet, remna leh hausakna atana kan hmalakna inzawmkhawmte chu kum tam tak chhung chu a ri chhuak dawn tih rinna nen kan ti a ni.