MPL10 : Champion lai Chawnpui in table chung ber luah lailawk

Zote Toyota Mizoram Premier League ah champion lai Chawnpui FC chu league table chung berah an inhlangkai a, Chanmari FC lakah 2-0 in an chak.

Chanmari hi tun season atan team inthuamtha an ni a, first phase-ah an che tha. Round hmasa lamah erawh Aizawl FC lakah antlawm a, insiamthat an tum laiin an tlawm nawn.

Chawnpui FC in C. Ramnunpuia hmangin halftime dawnah goal an khung a, second half tan hnu lawkah Laltluangliana chuan an goal hnihna a khung lehnghal bawk.

Coach Lalrindika Hmar hnuaia khel Chawnpui hi vawi nga an chakna a ni a, point 20 an hmu tawh.

Inkhel hnuhnung zawkah second phase a chetthat tum Chhinga Veng FC in FC Venghnuai 1-0 in an hneh lo ve bawk.

Rajiv Gandhi Stadium a inkhel inhnehtawk takah nikum a final khel Venghnuai tan hian huntawp dawn hun pekbelhah Vanlalhruaia chuan an chakna goal a khung.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427