Kumin 2023 chhunga Spotify kaltlanga Taylor Swift sum hmuhchhuah zat chu $Maktaduai 100 chuang a ni.
Tunhnai maia Spotify-in Top Global Artist of 2023 nihna a pek hian he platform-ah hian vawi billion 26 chuang stream a hlawh.
Billboard tarlan danin, heti anga vawi billion 26 chuang stream a hlawh tawh chuan a lo berah Swift hian Spotify atang chauha sum a hawpui tur chu $maktaduai 100 a tling chiang dawn tihna a ni a, December 2023 a ral meuh chuan $Maktaduai 131 vel a hlawhchhuak ham ham dawn, tihna a ni bawk.
Apple Music, YouTube Music leh Amazon Music kaltlanga a sum hmuh tur a la tel lo mah mah a, heng kaltlanga streaming belhkhawm hi billion 38.3 niin, sum faia chan tir dawn chuan royalty atanga a lakluh tur hi $maktaduai 160 a tling ang a, publishing revenue leh on-demand streaming revenue nena belhkhawm phei chuan a$maktaduai 200 a hnaih hle.