Bundesliga hmahruaitu ni mek Bayer Leverkusen in second half-ah an si phurh an sut a, Borussia Dortmund nen 1-1 in an inhnehtawk.
BayArena-ah a zawna match riat league inkhel a chak tawh Bayer Leverkusen in an mikhualte lakah goal hlauhawm siam hnem hle mahse goal an khung thei lova. Goal an chhuah hma hle bawk.
Dortmund tan Julian Ryerson chuan minute 5-naah tun season a a goal thumna a khung.
Leverkusen hian tun season a vawikhatna atan first half-ah goal an khung lova. Second half-ah pawh inthlahdul lovin theihtawpin goal an nawr a, minute 78-naah Patrik Schick dah lutin danglamna a siam nghal a, Nigeria international Victor Boniface goal khung tur a siamsak.
Leverkusen hian goal chance vawi 22 an siam laiin Dortmund lam counter-attack ah an innghat a, goal shot vawi ruk an nei thung.
Leverkusen attacking midfielder Florian Wirtz chuan goal khung pawm loh a nei bawk a, inkhel zawhah an inkhel thlirletin, “Kan inkhel pumpui thlirin a lungawithlak loh. Point khat kan hmu thei hi a tha a, tlawm thei kan ni. Mahse hei aia point tam zawk beisei a inkhel kan ni.”
“Hmunawl kan hmu fova, chance pawh kan insiam hnem. Kan vanduai tum kan tawng ve a ni.” tiin a sawi.