Nagaland-a Longleng district, Yonglok khuaa dan phal lohva lungalhtheih laih chhuahna hmun dinah chirh nasa taka lut avanga chhiatna thlengah thawktu mi pali an thi.
He chhiatna hi Inrinnia thleng kha a ni a, thite hi Assam-a mite vek an ni a. Thil laih chhuahna hmun hi dan lova siam a nih avanga khar a ni a, anmahni bungruate la tura an luh leh lai takin chhiatna hi a thleng a ni.
Assam-Nagaland inrina laia awm a ni a, a bul hnai leimin avangin chirh tam takin a chhuahna laiah a chhilh niin police-te chuan an sawi.
He lungalhthei laih chhuahna hi state sorkarin dan lova din thil laih chhuahnate a khar zinga tel a ni a. Thite hi Assam chuanchung lama mi, Jiten Tanti (40), Krishna Gogoi (32), Tutu Deka (28) leh Shushan Phukon (37) te an ni tih hriat a ni tawh a. An ruang hi an chhungte ngen angin post-mortem lovin an hnenah hlan nghal a ni.
Nagaland chhiatna hi Meghalaya, East Jaintia Hills district-a hetiang deuh bawka chhiatna a thlen atanga thla thum emaw leka thleng leh a ni a, hemi tum hian mi 15 an thi a. Meghalaya-ah hian chhanchhuah hna nasa taka thawh ni mah se ruang chhe tawh tak pahnih chiah an hmu thei a ni.