American rock band KISS mangtha a ngai dawn a, kum 50 chhungzet rimawi khawvei awi tawhtu te hian live audience hmaah show hnuhnung ber an nei ta.
Madison Square Garden, New York-a concert hnuhnung berah hian ‘End of the Road’ tour kharna hun an hmang zui nghal a, band dintute zingami Paul Stanley leh Gene Simmons te bakah guitarist Tommy Thayer leh drummer Eric Singer te hian dawhsan atangin classic mawi fahran mai, ‘I Love It Loud’ leh ‘Beth’ te chu an perform a, mipuiin thinlung takin an lo zawm dual dual.
Gene Simmons chuan, “Kan vul reng thei lova, kumhlun tur kan awm hek lo. Kan hmunruak luah tur hian thiamna changkang zawkin hmun a rawn changzel dawn,” a ti a. Heng thiamna te hian a taka Paul-a zuan san ai daihin an zuansan tir thei tawh, tiin digital avatars-in an hmunruak a rawn luahlum nghal thu a sawichhuak bawk.