Supreme Court chuan ram punah ram hruaitu, MP leh MLA-te thubuai, criminal case 4,122 zet tihkhawtlai (pending) a awm mek thu leh thenkhat chu kum 30 chuang pending a nih tawh thu a sawi a. Thubuai pending mekah hian hruaitu ni tawh lote thubuai pawh a tel tih a sawi.
Chief Justice Ranjan Gogoi-a kaihhruai bench heng ram hruaituten thubuai an neih pending chungchanga Public Interest Litigation (PIL) lut chu a ngaihtuah a. Court sang ber hian heng thubuai ngaihtuah a nih theih nan hian state leh high court-ah te a tul anga special court siam mai a tha ang em tih a ngaihtuah dawn a ni.
Senior advocate Vijay Hansaria kaihhruai, bench thachhangdawltu, advocate Sneha Kalita pawh a telna chuan state leh high court hrang hranga hruaitute thubuai awm mek hi la khawmin apex court-ah hian a thehlut tawh a ni.
Thubuai 4,122 zet zinga 264 chu state lama thubuai a ni a, high court-in a pending an ni a. Thenkhat chu kum 1991 daih tawha mi, tun thlenga thutlukna la siam lohte a ni.
Thubuai thenkhat phei chu kum 30 chuang kal taa mi, tun thlenga la chinfel lohte an ni a. Supreme Court chuan heng thubuaite ngaihtuah fel rang tur hian high court leh session court-te pawh thu zing turin a ti tawh.
SC hian high court tinte chu thutkhawm ngaha magistrate court-te pawh an state theuhva heng ram hruaitute thubuai pending-te chingfel rang turin a ti.