Aizawl : Kolasib District Magistrate John LT Sanga’n African Swine Fever (ASF) leng mekin Kolasib District-ah ziaawm lam a pan nia hriat a nih laiin, he hri hlauhawm tak laka Vawk vulhtute leh mipuite an him tlan zel theih nan thupek a chhuah.
Kolasib District Ma- gistrate chuan ramdang leh state dang atangin vawk leh vawksa rep Kolasib district chhungah lakluh a khap a. ASF len lohna state-a APEDA/FSSAI-in a pa- wmpui farm atangin va- wksa atanga siam (frozen pork) lak phal a nih thu thupekah chuan tarlangin, “SOP zawm chungin Director, AH & Vety Department phalna lak hmasak tur a ni” a ti.
ASF infected area-a puanna khua atangin vawk, vawksa atanga siam reng reng Kolasib district chhungah lak luh phal a ni lova. Vawk damlo reng reng talh leh hralh khap tlat a ni. Vawk thi reng reng chinai nen thuk taka phum tur a ni a. Vawk thi an awmin, AH & Vety-a thawktute hnenah report tur a ni.
He thupek hian chhuah a nih atanga ni 60 chhung a huam ang a, dan bawhchhia an awm chuan Section 188 IPC hmanga hrem an nih tur thu thupekah chuan tarlan a ni bawk.