Chak mamawh Celta Vigo in a zawnin La Liga-ah match 11 chhung point thum an hmu tawh lova, Cadiz lakah hnehna chan theihna remchang nei mahse 1-1 in an inhnehtawk.
Thawhtanni zanah Estadio de Balaídos-ah Cadiz an mikhual a. Mikhual team hian first half a goal hlauhawm an neih chhunah goal an khung.
Minute 15-naah Chris Ramos chuan Cadiz tan a tauh lut a. Celta Vigo in inkhel thunun in goal hlauhawm siam hnem mahse an khung thei lo.
Second half-ah Cadiz defender Victor Chust hnawhchhuah a nih hnuah Celta tan Strand Larsen chuan an si phurh a sut a. Inkhel pumah chance vawi 25 insiam mahse an khung belh theih loh an tuar.