Torino in Serie A table chanve chung lamah inhlangkaiin an dinhmun an siamtha a, Atalanta lakah 3-0 in hnehna an chang.
Thawhtanni zanah Stadio Olimpico Grande Torino-ah Turin khaw club hian league inkhel hnuhnung pali atanga chak nei lo Atalanta hi an mikhual.
Torino tan minute 22-naah Atalanta striker hlui Duvan Zapata chuan goal a khung a. Veilam atanga ball cross lo nang fuh turin Atalanta tlarhnung aiin a che rang zawk.
Second half tan hnu lawkah Antonio Sanabria chuan an goal hnihna penalty atangin a khung leh bawk a. Huntawp dawn hun pek belhah Colombia striker Zapata bawkin an goal thumna a khung leh a ni.
Hnehna an chan avangin Torino hi pakuanaah an inhlangkai a, hetihlai hian Atalanta in inkhel an hmachhawn hnuhnung paruk atangin goal nga chiah an la khung.