AIZAWL: Thawhtanni atang khan Mizoram UPC rorelna sang kum tawp thutkhawm, Mizoram UPC Office Conference hall, Zonuamah neih tan a ni.
December 8-10, 2023 chhung hian Mizoram UPC inkhawmpui lian ber General Assembly revival inkhawm Assembly Centre Zonuamah neih a ni ang.
December 4, 2023 khan Nomination Committee leh Boundary Commission an thu a. Nimin khan Pastoral Board an thu khawm a. Vawiin leh naktuk hian Executive Committee an thu ang.
December 8 & 9 chhunah Mizoram UPC rorelna sang ber General Assembly neiin, rorel palaite an thu ang a, Zirtawp zan atang hian Pathianni zan thleng revival inkhawm neih thin a ni ang.
December 9, 2023 zanah Ministerial License hlanna inkhawm neih a ni ang a, Pathianni chawhmaah Pastor nemngheh inkhawm neih a ni ang.
General Assembly hi kum 2016 atang khan a chhawkin bial-in an thleng tan a. Kumin 2023 hian Durtlang Bial in an thleng a ni.