AZL: Champhai district jail-a tang mek Chingsianliani, Hnahlan khua chu Champhai district court tual atangin nimin khan a tlan chhuak a. He thu ziah lai thleng hian man a la ni lo.
Maipawl News in a tar lan danin, Chingsianliani hi Champhai district court-a a inlan zo, jail tangte phurhna lirtheia an dah luh dawn lai velin a tlan chhuak a, a tlan chhuak tih hi a tirah an hre mai lo va; hriat a nih veleh zawn nghal a ni.
Chingsianliani hi ND&PS Act thubuai nei lai a ni.
October 13, 2022 khan Champhai district court tual atang hian mi pathum an lo tlan chhuak tawh bawk a, heng tang tlan chhuak mi pathumte pawh hi ND&PS Act hnuaia thubuai nei lai vek an ni a, Myanmar lam mi niin vawiin thlengin man an la ni lo niin Maipawl News-in a tar lang bawk.