Aizawl : BJP Mizoram chuan MLA inthlanpui neih zawh taka sorkarna siam tur ZPM party te chu an lawmpui thu sawiin, an intiam ang ngeia kalphung thar mipuite’n an hmuh theih nana hma an lak theihna’n duhsakna an hlan.
Thawhtannia thuchhuah an siamah BJP Mizoram chuan, an party candidate pahnih Dr K Beichhua leh K Hrahmo te mipui rawngbawl tura thlan tlin an ni chu an lawmpui thu an sawi a. Mizoram tan leh party tana theihtawp chhuah turin duhsakna an hlan.
BJP Mizoram chuan sorkarna siam tur, ZPM party chu PM Scheme hrang hrang a nihna ang taka hman anih theih nana hma la turin an ngen a. Mi retheite tana PM Scheme tam tak Mizorama sorkar tawh te’n an pawngsual thin te siam tha a, a chhawr tur dik tak te’n an chhawr theih nana hma la turin an ngen bawk.