AIZAWL: Hnahthial Bawrhsap Chuauhnuna hovin thawhlehni khan Krismas leh Kumthar vuakveta boruak muanawm a awm theihna tura dan leh thupek kenkawh chungchanga hmalak dan tur te sawihovin a kaihhnawih orkar mipawimawhte leh khawtlang hruaitute an thukhawm.
He thutkhawmah hian Bawrhsap chuan Krismas leh kumthar hlim leh thlamuang taka mipui mimir ten an hman theuh theih nan leh a vuakveta dan leh thupek tha taka kenkawh a nih theih nan meeting kumtin neih thin a nih thu a sawi a. Kuminah pawh State level-ah chuan Chief Secretary hova thutkhawm a nih tawh thu a sawi.
Bawrhsap chuan Hnahthial-ah pawh hal puah, hal mawi leh silai mu nei thlenga khapna thupek chhuah a nih tawh thu a sawi a. Chumi thupek bawhzui kawngah chuan dan kengkawhtute chu theihtawpa tan lakpui turin a sawm.
Krismas leh kum- thar vuakveta boruak muanawm tak a awm theih nan tul leh pawimawhte an sawiho a. Addl SP Albert Lalnunpuia’n an inpuahchah dan te sawiin, buaina liantham a thlen loh a beisei thu a sawi.
Khawtlang hruaitute pawhin kum hmasa lama an hmalak tawhnate leh boruak thalo awm palh thei laka inven dan tur tha nia an hriat leh tul dangte an sawi ve bawk.