Indonesian khaw pakhat, batik factory awmna hmun chu ruah nasa taka a sur hnuah tui a lian a, tui chu thisen rawng vek a ni!
Thisen anga sen tui hi Java lailia Jenggot khuaah hian khawlaiah a tling li lung a ni.
Pekalongan khawpui chhim lam hreta awm khua hi hman lai atang tawha khawihnun siamna leh batik textile lama hriat hlawh a ni.
Social media hmangtu sang telin an khuaa thisen ang mai tui tling chu an theh darh hlawm a. Tual chhung thuneitute chuan thil makah an ngai lem lo niin an sawi.
“Thisen ang mai hi batik dye vang a ni a, a hmun hi tui lianin a rawn chim avangin a rawng a kai ta a ni,” tiin Dimas Arga Yudha chuan Reuters news agency hnenah a sawi a. “Nakinah ruahtui pangngai nen an infin ang a, a reh mai ang,” a ti.
Pekalongan lui hi tun hma batik design hrang hrang siamna atana rawng an hman azirin a rawng a lo inthlak tawh thin a. Thla hmasa mai pawh khan khaw pakhatah a hring niin Reuters chuan an sawi.
Indonesia hi tui lianin a lo tibuai fo tawh thin a, kum tir maiah pawh khan an khawpui, Jakarta-ah ruah nasa tak surin tui a lian a, mi 43 vel an thi.