AIZAWL: South Tuipui bial atanga MLA atana thlan tlin tak Jeje Lalpekhlua’n MLA atana thlan tlin a nih avangin amah thlangtu mipui leh thlan tlin a nih theihna tura theihtawp chhuahtute lawmthu a hrilh.
Jeje Lalpekhlua chuan “Pathian hruainain kum 2023 MLA inthlanpui chu tluang takin kan zo ta a. Kei pawh kan party hruaitute duhsaknain South Tuipui-ah ZPM Candidate ka ni a. Pathian leh nangmahni bial mipuite zar ah MLA atana thlan tlin ka ni ve hlauh hi ka lawm takzet zet a, in chungah thinlung takin lawmthu ka sawi a ni.” a ti.
“Hetiang dinhmun ka thlen theihna atana thahnemngai taka hun, tha, sum leh pai tam tak sengtu, block leh unit te bakah Zonu leh thalaite, bial chhung leh pawn atanga theihtawp min chhuahpuitu zawng zawngte hnenah lawm- thu ka sawi” Jeje chuan a ti a. “Campaign chhunga sawi sual leh mi rilru tihnat te kan lo nei palh a nih chuan ngaihdam ka dil a. Kan thutiam leh hmachhawp te tha taka ka thawh chhunzawm theihna turin min finchhuaha, min thawhpui turin ka ngen a che u,” tiin nimin khan lawmthu sawina leh thuphachawina a tichhuak.
Jeje Lalpekhlua chuan “Kan ramah “KALPHUNG THAR, MIPUI SORKAR” kan dinna turah theihtawp chhuaha min thawhpuia, min tawngtaipui reng thin turin bial mipuite ka sawmin ka ngen nghal a che u” tiin a thuchhuahah chuan a tarlang bawk.