Azl: Tuichawng bulah Hyva truck, MZ 01 K 4345 chesualah a khalhtu kum 20 mi, Ramdinthara, Serchhip a boral.
Tuichawng atanga thudawn danin, Hyva truck chetsual hun hi chiang taka hriat theih a ni lo a, Nilaini zan lam emaw, nimin zing lam emaw a nih rin a ni.
Lirthei chesual hi company motor niin, a chin hriat a nih mai loh avangin an ngaihven a, nimin chawhnu lam khan a chesual tih hriat a ni a, kawng thlang metre 20 emaw velah a tla a, a khalhtu Ramdinthara chu thia hmuh a ni.
Ruang hi Tlabung police ten buaipuiin, Tlabung-ah postmortem a ni a. Tuichawng YMA president inah thlahna hun hman a nih hnuah, an khua Serchhip panpui a ni.