Kolasib District Task Force on Immunisation (DTFI) leh Kolasib District TB (Tuberculosis) Forum chu nimin khan an Chairman, Kolasib Bawrhsap John LT Sanga hovin Kolasib DC Conference Hall-ah an ṭhu khawm a. Chairman chuan hriselna ngaih pawimawh a ṭul thu sawiin, tlang hrileng leh natna tam tak chu fimkhur loh vanga midang kai chhawn theih niin a sawi.
Bawrhsap chuan hri- selna ṭha nei turin inen- kawl uluka, mahni hris- elna dinhmun enfiah ṭhin a pawimawh thu pawh sawiin, “hriselna leh dam reina chu Pathian mals- awmna a nih rualin, engemaw chin chu kan kutah a awm a, mahni inthununna aṭangin hriselna tihṭhat theih a ni”, a ti a. Kolasib district-a hriselna kawnga thawktu ten theihtawp an chhuahnain rah ṭha a chhuah theih nan District mipuite thawhpuina a pa- wimawh thu sawiin, hri danna lak chungchangah naupang, raipuar leh hri danna la tur ten a hun taka an lak theih nan nu leh pate ṭanrual a pawimawh thu a sawi bawk.
Hri danna hmanga ven theih natna te vanga thi an awm tawh loh nana ngawrh lehzuala hmalak- na Intensified Mission Indradhanush 5.0 hnuaia hmalakna report pek niin, kumin August – November ah Kolasib district-ah Sub-Centre 4 hnuaia hm- un 9-ah naupang kum 5 hnuai lam leh nu nau paite hnenah hri danna pek bei- hpui thlak a ni a. Naupang kum 1 hnuailam target 318-ah 285 hri danna pek niin, kum 1-2 inkar target 151-ah 85 leh kum 2-5 inkar target 120-ah 54 hri danna pek an ni a. Raip- uar hri danna pek tur target 94 a nih laiin, raipuar 119 hri danna pek an ni.
Kumin December ral hmaa sentut (measles) leh sentutfang/ni-thum sentut (rubella) natna um bo tura beihpui thlak mekah April – October ah nausen thla 9 leh thla 12 inkar MR (me- asles-rubella) vaccine pek tur target 854 aṭangin 820 (96.02%) MR1 vaccine pek niin, naupang thla 16 leh kum 5 inkar MR vaccine pek tur target 854-ah 748 (87.59%) chu MR2 vaccine pek an ni thung a. MR um bo turin MR1 leh MR2-ah 95% ve ve phak ngaiin, District chhungah MR hrileng (block 1-a MR vanga damlo 5 awm- na chin) leh MR vanga thihna a thlen loh a ṭul a. Kolasib district-a MR hr- ileng leh MR vanga thihna la thleng lovin, vaccine target 95% pawh khum theih beisei a ni a. District chhunga Anganwadi Centre hrang hrangah MR vaccine pek hi ngawrh taka kalpui mek a ni.
Kolasib district-a naupang kum 10 leh tleirawl kum 16 te tan sakawr-ek-hrik (tetanus) leh hrawk na (diphtheria) hri danna, Td vaccine pek kalpui mek ni bawkin, April – October, 2023 ah Td10 1,065 (56%) leh Td16 899 (45%) pek a ni tawh a. Hri danna kalpui sa pangngai kalpui dan uluk taka vil reng niin, target tlin turin beihpui thlak reng a ni a. Weekly Surveillance kaltlangin mea- sles-rubella, polio leh dip- htheria hrileng a awm leh awm loh thlithlai reng niin, hri kai nia rinhlelhte chu rang taka enfiaha vil zui zel an ni. Kolasib District-ah hri danna hmanga ven theih natna vei hriat leh nem ngheh (confirmed case) a awm rih lo.
April – December, 2023 ah Kolasib District-ah ngawr (TB) rinhlelh endik 1,492 aṭangin TB vei 144 an awm a. Mi 62 enkawl dam tawh niin, enkawl lai 82 an awm a. TB leh HIV vei kawp 14 awmin, TB vei enkawl laia thi 3 an awm bawk.
District TB official-te chuan TB hrik en leh da- mlo enkawlna chu sorka- rah a thlawn vek a nih bakah, Nikshay Poshan Yojna (NPY) hnuaiah da- mdawi ei chhung zawng thla tin Rs. 500 pek an nih thu leh inenkawl zawh hnuah Rs. 750 pek ṭhin an nih thu sawiin, TB chu enkawl hmaa, ṭha taka damdawi ei chuan a dam hma tih an sawi. TB vei ten an inenkawl chhunga chaw ṭha an dawn theih nan mi inphal (Nikshay Mitra)-te hnen aṭangin ṭa- npuina sum dawn ṭhin a ni a. Kolasib district-ah Ni- kshay Mitra (donor) 35 a- wm mekin, damlo 35 ṭanpui mek an ni a. Nikshay Mitra turin thla tin Rs. 700 hisapa ṭanpuina pek theih niin, District TB Forum chuan TB veite tan mi inphalte pen chhuak zel turin a ngen.
Central TB Division aṭanga Kolasib District-in X-Ray khawl a dawn chu District Hospital Kolasib-ah bun a nih thu leh October 18, 2023 aṭang khan hman ṭan a nih thu report a ni a. August 19, 2023 ah GME Engineer ten X-Ray machine bun (install)-in, a thlalak her chhuahna CR system chu October 17, 2023 khan Carestr- eam lamin an vuah (install) bawk a ni.
Nakum World TB Day-a TB awmlohna kh- ua lawmman sem turah Kolasib dist-a khaw tam thei ang ber TB Free Village-a puan theih tura hmalak mek chungchang sawiho a ni bawk.
TB Free Village ni tur hian kum khatah khaw khata mi cheng zat azirin mi 1,000 zelah mi 30 tal endik tur niin, mi 1,000 ah TB vei mi 1 aia tam an ni tur a ni lova; TB vei enkawl dam 85% aia sang tur niin, TB veite chuan NPY leh Nikshay Mitra ṭanpuina an dawn a ṭul a. He’ng tehna hrang hrang aṭang hian tun dinhmunah Kolasib District chhungah TB Free Village ni thei tur khaw 15 a la awm a ni.