NAUCHHIAT A HLAUHAWM EM?
Nauchhiatna chhan chi ‘chromosomal’ chian loh vang emaw ‘genetic’ fel tawk loh vang a ni duh hle a, naupai laia nupa nun hman nen hian inzawm-na a nei lo anga ngaih a ni a. Hemi chungchanga i rinhlelhna te chu doctor chuan a hrilhfiah thei ngei ang che.
NAUTE A TI NA THEI MAI LOVANG MAW?
Teuh lo mai, ati na lovang. Naute hi chhula awm ‘amniotic fluid’ hian a veng tlat a, kumkuruh dang bettu, ‘mucous plug’ chuan a lo veng ve bawk. Hei hian naute hi natna inkaichhawn theihna lak atang mai ni lovin, mipa serh-in naute a va dai fuh theih loh nan a lo veng tlat a ni.
MAHNI INHRIKTHLAK (MUSTARBATE) HIM EM?
Mahnia inhrikthlakna hian rilru tawt lutuk tleh thawpik lutuk tur a tiziaawm thei a, eng emaw remchan lohna hrang hrang vanga nupa nun hman tak tak a harsa anih pawhin kawppui nen khan duhzawng inhrilhin, him takin a kalpui theih a, hei hian naute-ah harsatna a thlen lo
A VAWRTAWP THLEN THEIH EM?
Tehreng mai. A vawrtawp thlenna hian ‘uterine contraction’ han siam ve thin bawk mahse, hei hi nauvei laia ‘contraction’ nen khan ngaihpawlh chi erawh a ni lo. Hmeichhe tam tak chuan a vawrtawp thlen hian thlakim lova nauneih emaw nauvei a thlen niin an sawi a, thu belhchian dawl lo a ni. Hrisel taka nau i pai chuan nupa nun hman leh inhrikthlakna hian thlakim lova nauneih/vei a thlen lo
POSITION THA MIN HRILH THEI EM?
A tha ber chu nang leh kawppuiin in remchanna kha a ni a. Chutih laiin, a hnuai lama hmeichhe awm hi a dik lova, chhul khan tul lo taka nawrna (pressure) a dawn thin vang a ni a, Dul-ah nawrna a thlen a, awm nawm lohna a thlen thei.
NAU NEIH HNU AH NUPA NUN HMANLEH NGHAL THEIH EM?
Pangngai tak leh him taka hmang leh thei tur chuan nau neih atanga chawlhkar 6 ral hnu-ah chauh nupa nun hi hman tan leh ni se a tha ber. A chhan chu, i taksa khan zai-chhuah vang emaw neih pang-ngai pawh a lo hma-chhawn tawh a, a damthat leh hi a tul em vang a ni
DOCTOR HRILH ANG CHE
Nupa nun hman hi nang leh i kawppui tan a him leh him loh zawt fiah la, nupa nun hman laia thil fel lo leh ngaihthat lohna awm thei.
Entirnan- Na ngawih ngawih, thisen leh thil tui chhuak emaw a awm chuan pasal te tha taka hrilh a, doctor entir tur nghal tur.
NUPA NUN HMAN CHAKNA TLAHNIAM EM?
Naupai lai hian taksa in danglamna chi hrang hrang a paltlang a, chu chuan nupa nun hman châknaah pawh nghawng a nei lo thei lo.
A tir lamah phei chuan chaw huat, luakchhuak leh chau ngawih ngawiha inhriatna te avang hian nupa nun hman châkna pawh a hniam viau thin. Rihna a lo pung a, hnungzang nâ a lo awm a, nau neih dawn hnaih lamah phei chuan harsatna neuh neuh a lo awm a, chu chuan châk loh hulhualna a thlen.
Naupai atanga thlarukna ah hian serh leh hnute velahte thisen luanglut a pun sauh avangin tunhma zawng aia nupa nun hman châkna leh phurna a lo awm anga, amah-erawhchu, hrisel tha pangnga i nih loh a, enkawl ngai reng i nih chuan a thleng thei lo mai thei bawk.