Tripura chuan tui thianghlim in tur awlsam taka lak chhuah theihna, drinking water vending machine, water ATM an tih mai chu 5 an nei ta a. Pathianni khan Water ATM thar hi Deputy Chief Minister Jishnu Debbarma chuan Kebdriya Sanshodhanagar, Bishalgarh-ah a hawng a ni.
ATM an neih hmasak 4-te hi ONGC-in Agartala-a sorkar damdawi in lian 4-a an bun a ni hlawm a. A thar ber hawnnaah hian Dy. CM hi Inspector General of Prisons Joydeep Nayak, Tripura-a ONGC Asset Manager G.K.Singha Roy leh Kendriya Sansodhanagar Superintendent Sudhakar Shinde ten an tawiawm.
ONGC hian an Foundation Trust kaltlangin Tripura-a pawnlera inthiar an awm lohna tura hmalak nan sorkarah Rs. Vbc 25 an pe dawn a, heng zinga Rs. Vbc 20 chu Chief Minister Biplab Deb hnenah Nataji Subhash Chandra Bose-a pianchamah an lo hlan tawh a ni.