Granada in Athletic Bilbao laka an si phurh an sut a, Pathianni zana an inkhel tihtawp lailawk a nih hnua an khelh chhunzawm lehnaah 1-1 in an inhnehtawk.
Tun kartawpah Estadio Los Cármenes-ah team pahnihte hi inkhelin minute 17-naah inkhel entu zing ami a thih avangin inkhel tihtawp a ni a. Thawhtanni zanah minute 17-na atangin an khel chhunzawm leh a ni.
Inkhel tihtawp a nih hma hian Athletic in minute 6-naah goal an khung a, Inaki Williams hmanga hma hruaiin Thawhtanni zana an chhunzawm hnuah first half-ah goal a khung belh teuh a. Crossbar a pet per.
Mikhual team hi first half-ah chiang takin a chungnung zawk an ni a, amaherawhchu goal an khung theih loh an tuar.
Granada in second half-ah an khingpuite goal khung theih loh chu a rah an seng tir a. Bilbao defender Iñigo Ruiz de Galarreta chesualin ball cross a pet chhuak tur chu an lamah a ti lut palh.
Inkhel zawhah Williams chuan, “Point hnih kan hloh niin kan ngai. Kan chungnung zawka, mahse kan hriam tawh lo. Kan result hi pawm a har a, mahse hnual taka awm hman kan ni lo.” a ti.