Women & Child Development (WCD) Ministry chuan kum 2007 atang khan mi mal enkawl (private) industry-a hnathawhna hmuna mipat hmeichhiatna kawnga hmeichhiate chhaih leh khawih complaint 169 an dawng tawh tih an sawi.
Heng complaint-te hi ‘SHe-box’ tia a hming an vuah, online system hmanga hmeichhia, an hnathawhna hmuna an thawhpuiten mipat hmeichhiatna kawnga an chhaih thu an thlenna an siam hmanga an dawn a ni.
Ministry-a thuneitu sang pakhat chuan complaint an dawn 169 zinga a tam ber chu Maharashtra atang a nih thu leh 33 an dawn thu a sawi a, a dawt chu Delhi (23) a ni.
Sorkar laipui hnuaia ministry hrang hrang chuan nikum atang khan hetiang complaint hi 141 an dawng a, heng zinga 45 erawh finfiahna chiang a awm loh avangin thai chhiat leh a nih thu WCD Ministry chuan a sawi bawk.
Ministry zingah hian Finance Ministry atangin an dawng hnem ber a, 21 an dawng a. An hnuaiah hian Ministry of Communications leh the Ministry of Defence awmin 16 ve ve a lut.
Nikum lam atanga social media hmanga hmeichhiate inpuanna ‘MeToo’ movement an tih mai a lar viau hnuah khan WCD Ministry hian thla hmasa khan online portal siamin hnathawhna hmuna mipat hmeichhiatna hawia hmeichhiate chhaih an tawh an thlenna tur hi central ministry, department leh district 653 district-a state leh Union Territory 33-ah a siam thar bawk.