Zote Toyota Mizoram Premier League Season 10 semi-final khel turte an hriat kim tawh a. I-League club Aizawl FC chu Chhinga Veng FC in khumin final luh an chuh dawn.
Round 14 inkhel hnuhnung berah Ningani tlai dar 4 khan Chhinga Veng FC leh league hmahruaitu Chanmari FC te an inkhel a. Chhinga Veng in head-to-head record an neih that zawk avangin point khat an hmuh belh chuan an tling dawn.
Rajiv Gandhi Stadium-ah huntawp dawnah Chhinga Veng in MS Dawngliana hmangin goal an khung a, 1-0 in an chak.
Semi-final hi Thawhtanni leh Thawhlehni zan dar 8 a khelh tur a ni a. Semi-final hmasa zawkah Chanmari FC leh Chhinga Veng FC an inhmachhawn leh anga. A hnuhnung zawkah Mizoram Police leh Chawnpui FC an inkhel ang.