#Zozam Times Dec 22: Myanmar ram buai avanga Zofa raltlan Aizawl leh a chhehvela relief camp hrang hranga awm te hnenah Central YMA-in tukin khan Krismas thilpek a sem.
Raltlan te hnena thilpek hi – Buhfai, Dal, Alu, Têl leh Artui a vaiin Rs. nuai 4 man niin, tukin khan dar 8 khan CYMA Pisa, Tuikhuahtlang-ah relief camp hrang hrang aiawh te hnenah CYMA chuan a hlan a. Motor 5 hmangin Relief camp hrang hranga dah tura phurh chhuah nghal niin, CYMA President Lalhmachhuana’n a vailiam a ni.
Central YMA President Lalhmachhuana chuan “kan hunpui ber Krismas lo thleng turah hian YMA chuan harsatna an tawh avanga Mizoramah “Mizo Inpui” Central YMA bela rawn raltlante, Krismas lo thleng tur hmuah nana ei leh in tur chhete tal hlan a rel a, kan theih ang tawk kan hlan che u a ni, beitham hle mahse, kan Krismas thilpek che u hi lawm taka min pawmsak kan duh a ni” tiin relief camp hrang hrang aiawh te chu a lo hrilh.
Thilpek dawngtu lam – Myanmar lam kaihnawih pawl hrang hrang intelkhawmna Network for Unity Association (NUA) hruaitute pawhin he hun hi hmanpuiin, raltlante aiawhin lawmthu an sawi bawk.
Thilpek hi :
Chhungkaw 8, mi 40 awmna Durtlang relief camp tan Buhfai bag 3, Dal bag 1, Tel case 2, Alu bag 2 leh Artui case 1
Chhungkaw 16, mi 62 awmna Tuirial relief camp tan Buhfai bag 6, Dal bag 1, Tel case 3, Alu bag 4 leh Artui case 2
Chhungkaw 5, mi 34 awmna Sairang relief camp tan Buhfai bag 3, Dal bag 1, Tel case 2, Alu bag 2 leh Artui case 1
Chhungkaw 27, mi 130 awmna Sihhmui-I relief camp tan Buhfai bag 10, Dal bag 2, Tel case 6, Alu bag 10 leh Artui case 5
Chhungkaw 68, mi 299 awmna Sihhmui-II relief camp tan Buhfai bag 20, Dal bag 4, Tel case 10, Alu bag 15 leh Artui case 10
Chhungkaw 23, mi 83 awmna Dapchhuah relief camp tan Buhfai bag 8, Dal bag 2, Tel case 5, Alu bag 5 leh Artui case 2
Chhungkaw 24, mi 100 awmna Khamrang relief camp tan Buhfai bag 10, Dal bag 2, Tel case 5, Alu bag 5 leh Artui case 2
Chhungkaw 17, mi 82 awmna Nghalchawm relief camp tan Buhfai bag 8, Dal bag 2, Tel case 5, Alu bag 5 leh Artui case 2 tea sem a ni a. Sem chhuah zawng zawng hi Buhfai bag 68, Dal bag 15, Tel case 38, Alu bag 48 leh Artui case 25 a ni.