Kum 1949-a General (a hnua Field Marshal) KM Carriappa-an British Commander-in-Chief hnuhnung ber, General Sir FRR Bucher-a hnen atanga General nihna a lak tan ni apianga hman thin, Army Day chu nimin khan ram pumah lawm a ni.
New Delhi-a inkhawm buatsaihah Army Chief General Bipin Rawat chuan Pakistan nena inrina lai bawra firfiaka chetna chu sipaiten na takin an do let zel dawn a tih sawiin India khawthlang lam ramrie chu firfiak pawlte tamna a nih thu leh heng mite lakah hian Indian Army chu a awm mai mai dawn lo tih a sawi a. Khawchhak lam ramrite pawh a dinhmun en fiah a ni dawn tih General Rawat hian a sawi bawk.
Army Day pual hian President Droupati Murmu, Vice President M.Venkaiah Naidu leh Prime Minister Narendra Modi te pawhin sipaite leh an chhungte chu chibai an buk a. President hian sipaite chu ramin a chhuangte leh zalenna a awm theih nana thawktute an nih thu a sawi a. Ram mipuite thlamuang taka an mut laiin chhun zan zawmin rim takin hna an thawk reng tih a sawi lang bawk.