Maharashtra-a Nandurbar district-ah nimin khan lawngleng chesualin a chuang zinga mi 6 an thi a, mi dang 36 erawh chhan chhuah hman an nih thu police-ten an sawi.
Chhan chhuah tak mi 36-te hi an dinhmun en fiah turin tualchhung damdawi inah hruai nghal an ni.
Lawngleng chesual taah hian mi 60 vel an chuang a, an sakhaw thil an tih ziah thin, Makar Sankranti ti tura lawnga an chuang chu an chesual ta a ni tih thuneitute chuan an sawi.
Police-te chuan thite hi luidunga awm khuaa mite an ni hlawm a, heng lai vel hi tribal mite chen tamna lai a ni bawk tih an sawi.
Tuna an hriat theih chinah chuan lawnglengah hian mi an chuang tam lutuk a, a phurh theih tur zat aia tam an chuang chu an chetsual chhan ber nia an hriat thu police-te hian an sawi bawk.