Aizawl : Kolasib-ah nimin khan Vairengte – Sairang 4-Lane kawngpui package-7 complaint hearing buatsaih a ni a. Competent Authority for Land Acquisition (CALA) & Addl. DC, Kolasib District Melody Ngurthantluangi’n kaihruaiin, ram neitu leh VC aiawh te an kalkhawm a ni.
Package-7 3A notification chu ni 22.12. 2023 khan chanchinbu pahnihah chhuah a ni a. Sawi duh nei te tana complaint and objection hun hawn pawh a zo tawh bawk.
Package-7 (Kawnpui – Mualkhang inkar)-ah hian ram buai complaint nei mi 3 an awm a. He’ng complaint-te hi CALA & Additional DC Melody Ngurthantluangi ten a ṭul anga bawhzui nghal a nih tur thu an sawi.