Karnataka-a sorkarna chelh mek, Congress-JDS chuan thlawptu MLA pahnih a chân a, heti chung hian sorkarna siam thei khawpa tam MLA an la neih tho avangin chief minister H.D.Kumaraswamy chuan an la nghet a, thlamuang takin a la thu tih a sawi.
Kumaraswamy chu huaisen taka tawng chhuakin, “Kan la chakna ka hria a, ka sawrkar hi a nghing lo, lungngai suh u,” a ti a. “Kan Kannada (TV) channel-ah hian kar hmasa atang tawh khan episode hrang hrang a chhuak a, hmuhnawm ti takin ka thlir a ni,” tiin tun laia an state politics buai chungchang a sawi bawk.
A sawi zelnaah chief minister chuan, “Eng nge thil thleng hi? Independent MLA pahnihin BJP an thlawp maw? Engzah nge an nih dawn? Ka thla a la muang hle,” a ti bawk.
Independent MLA H.Nagesh leh R.Shankar te chuan nimin khan governor Vajubhai Vala hnenah thla 7 kaltaa din, Kumaraswamy-a sorkar an thlawpna an hnuhdawh thu hi an thlen a. Congress leh BJP hian an MLA-te hi an pen mai hlau an fimkhur hle a. BJP MLA-te hi Gurgaon-ah awm khawmin Congress leh Independent MLA-te pawh Mumbai-a hotel pakhatah an awm khawm mek nia sawi a ni.