Chief Minister Lalduhoma chuan an sorkar policy-te kalpui turin budget thar pawh an la neih loh avangin kuthnathawktute an nghah hram hram a tul tih a sawi.
Nimin khan Chief Minister Lalduhoma chu a pisa-ah All Mizoram Farmers’ Union (AMFU) General Headquarters, Aizawl hruaituten an kawm a. Chief minister chuan kuthnathawktute chu an ngaih pawimawhte an nih rualin, hlawhtlin tum lova tanpuina sum chauh duh te erawh chu an ngaithei vak lo thung dawn tih a sawi.
AMFU hruaitute pawhin tunah hian Tree borne Oil Scheme hnuaiah agriculture department nena tangkawpin tung chingtu chhungkaw 524 an enkawl mek thu leh, kuminah chhungkaw 700 vel tihbelh leh an rilruk thu te, tung kara chin tur thlai pawh an dap mek thu te leh, tung rah hi tunah hian kg 1-ah Rs. 54-in hralhna a awm reng thu chief minister an hrilh.