AZL: MZP chuan National Institute of Technology (NIT), Mizorama Asst. Registrar hna lakah mi mal induhsakna uchuak tak a awm nia sawiin nimina convocation an dodal.
Hemi chungchangah hian nimin tlai khan Berawtlang Tourist resort-ah MZP hruaitute leh NIT Board of Governor Chairman Harshavardhan Neotia hoin NIT hotute an meeting a. Chairman-in, an lungawi lohna lantir chhan chu chhui a tiam avangin lungawi lohna lantir chu tihtawp a ni.
Meeting hian resolution siamin NIT Mizoram a hna lak leh thil dik lo tam tak awm hi, Chairman Neotia-a’n chhui a tiam avangin leh Ministry of Education a hmalak a tiam avangin NIT Mizoram Convocation dodâlna chu tihtawp a ni a. Chairman hmalakna hi a tawp thlengin enzui a ni ang an ti a ni.
Chief Minister Lalduhoma Zokhawsang kal tur chuan NIT Mizoram Convocation dodâlna neia pungkhawm zirlaite a tlawh bawk.