Aizawl: Fisheries Minister Lalthansanga chuan sorkar chu mipui awlsamna leh that tlan zawkna tura ding a nih thu a sawi.
Nimina Fisheries Department thawktute’n Directorate of Fisheries Conference Hall-a infuihtharna hun hmanpuitu Minister Lalthansanga chuan department hnuaia thawktute chu dikna, rinawmna leh inpekna nena thahnemngai taka hna thawk theuh turin a chah a, ram damlo tidamtu ni ngei turin a sawm nghal bawk.
He hunah hian F. Vanlallawma, Director, Fisheries Department chuan department chanchin, hmalakna leh hmachhawp tlangpuite sawiin, Fisheries Department chu kum 1993-ah Agriculture department atanga in dangin, district sawm pakhat (11) ah office an neih thu a sawi a. Thawktu indaihlohna avanga duhthusama hna an thawh theih loh thin thu a sawi bakah, tun dihmunah sangha dil nei mi 18,519 an awm thu leh sangha thar chhuah pawh metric ton 5,029 a nih thute a tar lang a. Mizoramah sangha dil siam theihna ram Hectare 24,000 a zau a la awm thu a tar lang bawk.
Infuihtharna hun hi Fisheries Secretary C. Lalzahngoa chuan a kaihruai a ni.