Aizawl: Health Minister Lalrinpuii chuan Nilaini khan Union Health Minister Mansukh Mandavya chu Delhi-ah a kawm a, Zoram Medical College (ZMC)-in hma a sawn zel dan turte thlenin, central sorkar chu theihtawp chhuahpui turin a ngen.
Lalrinpuii’n ZMC chu state sorkar tana a hautak lutuk dawn chuan sorkar laipui kuta hlan mai tha ni-a an hriat thu a thlen chungchangah union health minister chuan Mizoram sorkar chu tha taka thawhpui a, theihtawpa tanpui a inhuam thu sawiin, state sorkarin an kalpui chhunzawm theih nan a bik taka puihna ‘special package’ pek an nih tur thuin a chhang a ni.
Health minister hian Chief Minister Lalduhoma rawn nghalin, special package chu project-te siam a, CM hova bawhzui nghal nise, an ti.
Health Minister hian NITI Aayog Member Dr Vinod K. Paul hmu nghalin Mizoram Health Sector leh Tourism bakah resource moblization leh kawng dang hrang hranga hmasawnna an neih theih dan tur an sawi dun. Mizoram sorkar hotute leh NITI Aayog member te’n hemi chungchang hi a bik taka meeting nei thuai turin an inthlah a ni.