AZL: Ministry of Education leh Ministry of Defense tangkawp buatsaih Republic Day puala ram pum huap inelna, National School Band Competition-ah Govt Mizo High School chu tel ve tura thlan an ni.
Kum 2017 atanga intihsiakna hi neih tawh niin kum tin sikul tam tak an tel tawh a, he intihsiaknaa tel tur hian state/UT level, zonal level paltlangin a hnuah national level competition-ah inelna a awm leh a, sikul hrang hrangte hi brass band mipa leh hmeichhe inelna leh pipe band Mipa leh hmeichhiaah te an inel dawn a ni.
National level hi January 21 & 22-ah National Stadium, New Delhi-ah neih tur a ni a, zonal level-a tel school 73 atangin band 16 an tel dawn a ni.