India tan AFC Asian Cup 2023 zinkawng a hmawr sawt hle a. Uzbekistan lakah 3-0 a an tlawm hnuah knockout stage atana tlin inbeiseina a tlem tawh hle.
Ningani zanah Ahmad bin Ali Stadium-ah India in rinkai ni zawk an khingpui lakah goal an chhuah hma a. minute li naah kum 20 mi Abbosbek Fayzullaev chuan goal hmahruai a khung.
Minute 18-naah Igor Sergeev chuan an goal hnihna khungin halftime hma in Uzbekistan in Sherzod Nasrullaev hmangin goal khat an khung ve leh bawk.
India tan Rahul KP chuan goal ban tihper in goal hlauhawm siam ve thin mahse ram pahnihte inkhelah an inthlau.
Mizo midfielder Lalengmawia chuan India tan hian a khel tluan a. Group B-ah khelh hnih atang point an la hmu lova. Thawhlehni tlai dar 5-ah Syria nen an inkhel leh dawn a, an chak chuan knockout stage tlin theih beiseina a la awm ang.