Antoine Griezmann leh Rodrigo Riquelme ten extra time a goal an khung hmangin Atletico Madrid in an hmelma Real Madrid chu 4-2 in an hneh a. Copa del Rey round of 16 atangin an paihchhuak.
Ningani zanah Atletico khelmual Cívitas Metropolitano-ah Real Madrid an inlan a. Kar hmasa a Saudi Arabia a Super Cup semi-final a Real Madrid 5-3 a an chak hnuah Diego Simeone pawlten an chhanglet.
Minute 39-naah Atletico winger Samuel Lino chuan Antonio Rudiger ball petchhuah tha tawk lo atanga kal zelah goal a khung a. Mahse halftime dawnah Atletico goalkeeper Jan Oblak chesual ve in Luka Modric freekick pet chu an lamah a ti goal.
Minute 57-naah midfielder Eduardo Camavinga chesual ve lehin Alvaro Morata in goal a khung a. Chakna goal a khung thei hnuah khung lovin heta ball kal atang hian Real Madrid in Joselu hmangin an si phurh an sut.
Extra-time ah erawh Griezmann leh Riquelme ten minute 100-na leh 119-naah goal an khung a, Rojiblancos in quarter-final an lut.
Inkhel dangah Barcelona in third division a khel Unionistas de Salamanca lakah goal chhuah hmasa mahse 3-1 in an chak.
Unionistas tan minute 31-naah Álvaro Gómez chuan goal khung hmasa mahse Barcelona in Ferran Torres, Jules Koundé leh Alejandro Balde te hmangin an khung ve thung.