Aizawl: Zirtawpnia ZPM office-a ZPM Upa Committee thukhawm chuan, Chief Minister Lalduhoma kaihhruai Mizoram sorkar hmalaknaah lungawithlak an tih thu resolution an siam.
Chief minister Lalduhoma kaihhruai Mizoram sorkar hmalakna leh hmachhawpte thlira ZPM Upa Committee thukhawm chuan, hun rei lo te chhunga chief minister Lalduhoma kaihhruai Mizoram sorkarin ram siam thatna tura an hnathawh leh hmalaknate chu lungawithlak an tiin, lawmawm an tih thu leh an chhuan thu resolution an siam.
“Sorkar tharin Mizoram siamthatna tura hmachhawp a neihte, huaisen leh dik taka kalpui zel tur leh, hlen chhuak turin duhsakna sangber kan hlan,” tiin, ZPM Upa Committee chuan an hmachhawp bawhzuina leh hmalak lehzelna turah an thlawp thu an sawi.
“Ram rorelnaah Pathian ram tundin a nih theihna tura kan Chief Minister leh a kaihhruai sorkar tan Pathian hnenah kan tawngtai a. Mizoram mipuite pawh tawngtaipui tur leh thlawp tlat turin kan sawm a ni,” an ti bawk.