Aizawl : AMC Ward III bialtu Corporator C. Lalchhandami’n 2022-2023 Property Tax Return Rs. 2,40,000 seng a sak, Ramhlun North Local Council House Vertical extension chu Inrinni khan a hawng.
Bialtu Corporator chuan “Local Council House-te hi veng mipui ten veng chhung enkawl tura kan thlanchhuahte rorelna in pawimawh tak a nih avangin a tangkai em em a. Eng party ta bik mah a ni lova, mipui thlan chhuah apiangte rorelna in tur niin a zahawmin a hlu hle a ni” a ti a. Ramhlun North Local Council hruaitu ten Property Tax Return sum tlem te hmanga hmanga Local Council House Vertical Extension tha taka an sa thei chu lawmawm a tih thu sawiin, tangkai taka hmanga thianghlim taka enkawl zui turin a chah bawk a ni.