Mizoram Youth Commission (MYC) Chairman Malsawmzuala Ralte-in Inrinni khan MS Academy (A Coaching Centre for Competitive Exams) Kha- tla tlawhin, an zirlai hlawhtlingte lawmpuina hun a hmanpui a. MSSSB Combined UDC Exams 2023 a inziaktling mi 20 te hnenah lawmpuina a hlan nghal.
MYC Chairman chuan MS Academy atanga MSSSB Combined UDC Exam hautak tak paltlang mi 20 te leh an nu leh pa te chu a lawmpui thu a sawi a. Thalai tumruh, taima, leh teirei peih tan hlawhtlinna kawng a inhawng a ni tih heng mi 20 te hian an tarlang niin a sawi.
Competitive Exam chu eng level mah awlai a ni lo tih MYC Chairman chuan saw- iin, theihtawp chhua- ha exam beih a ngai tih a sawi a. Hna tha tak nei tawh tih thinlung pu mai lova, ram tana rawngbawl tura competitive exam sa- ng zawk bei zel tura inbuatsaih chho zui turin a ngen.
Mumal taka hun hman dan tur ruahma- nna (plan) siam a pa- wimawh thu MYC Chairman chuan sawi- in, hun vawn dik ka- wngah pawh tan la turin a chah a. Hun vawng dik mi chu a inthlahdah ngai lo nia sawiin, sawrkar hna chu ram tana rawngbawlna pawimawh tak a ni tih hriaa, thahnemngai taka thawk tura chahin, an kal zelna turah duhsakna a hlan bawk.
Hlawhtlinna chang Aspirant nu leh pa hnen atangin thusawi tawi ngaihthlak a ni a. Dr. Malsawmdawng- liana Lailung, Managing Director chuan kalkhawmte lo lawm- in report tawi a pe a. Lalthakimi Ralte, Fa- culty chuan kaihruaiin, Dr. Saithantluangi Zote chuan he hunah hian lawmthu sawiin hun a khar.
Sawrkar thuchhua- hin a tarlan danin MS Academy, Khatla hi August ni 9, 2019 a hawn a ni a. State Competitive Exams (Group A & B) tur te tan coaching pek a ni a, tun dinhmunah aspirant 3254 in Mentoring Programme, Test Series, Mains Crash Course, Preli- ms cum Mains, Gro- up B Gazetted & Non-Gazetted Coaching Class an zawm tawh a. Motto-ah ‘Make a Difference’/ ‘Danglamna siamtu’ tih he Centre hian a hmang a ni.