Internet thiamna hmanga a hmel thlak danglam a, mawi lo taka ‘Deepfake’ video siamsaktute Delhi Police-in an man tak vangin Indiana actress lar tak Rashmika Mandana chuan lawmthu a sawi.
He thila hnarkaibertu a h riat Eemani Naveen chu inrinni khan man niin, nikum November thlaa online lama nasa taka he deepfake video thehdarh a nih vanga internet khawvela mi tute pawh an him tawh lohzia pholanna chiang tak ni zuiin, boruak a rit hman hle.
Rashmika chuan, “He thila mawhphurtute man an nih vangin lawmthu ka sawi. Mipa leh hmeichhia te u, in hriatpuina leh remtihna tel lova in thlalak tihdanglam a nih chuan. Thil dik lo tak a thleng ithna a ni a, ka thil tawn atang hian in bul hnai leh chhehvela awmte’n an ensan lo che u a, ‘action’ lak a nih ngei theih nan an thlawp tlat dawn che u a ni, tih inhriatnawn tirlehna ni se, ka duh a ni,” a ti.
‘Deepfake video’ ang hi tunlai hian thehdarh leh vawrhlar a ni thin a, milar leh hmingthang tak takte nen lam an hrut nasa hle.
Thiamna changkang tak tak hmanga dik lo leh fel lo taka thlalak leh video sawisak a nih thin vangin Rashmika chunga thil thleng kha lemchan leh rimawi khawvela milarte pawhin na taka an dem thu an auchhuahpui.