Pthian kal thei’ ti hiala an sawi thin, Shivakumara Swami chu kum 111 mi niin nimin khan Karnataka-a Siddaganga Mutt, Tumakuru-ah chawhma dar 11:44 khan a thi.
State sorkar chuan ni thum chhung sun tur a nih thu a puang nghal a, vawiin hi amah sun nan chawlh a puang bawk.
Zawlneia an neih, Swami hi amah zuitu tam tak chuan ‘Walking God’ an ti thin a, India rama mihring upa ber zinga mi a ni a. Tun hnai chawlhkar eng emaw zat kha a dinhmun a tha lo hle a, ni 15 kal ta kha ventilator hmanga thawktir a ni.
Swami-a thih hnu lawkah hian Prime minister Narendra Modi chuan mipui, a bikin rethei leh hrehawm tuarte tana nung thin a nih thu a sawi a, amah zuitute tan a tawngtai tih a sawi bawk.
Prime minister bakah hian President Ram Nath Kovind leh Congress president Rahul Gandhi te pawhin an ui thu an sawi.
Hruaitu zingah Karnataka chief minister HD Kumaraswamy chu Mutt-a amah tlawhtu hnuhnung a ni a; BS Yeddyurappa, MB Patil, KJ George leh Sadananda Gowda te pawh an tel.