India hmarchhaka state pathum – Manipur, Meghalaya leh Tripura te chuan nimin khan state an nih tanna ni, state day an lawm.
Kum 1972-ah khan North Eastern Region (Reorganisation) Act, 1971 hnuaiah heng state pathumte hi state puitling an ni tan a. President Droupati Murmu chuan mipuite chu lawmpuina leh chibai a buk.
Twitter-a thu a post-ah hma hun êng tak an neih theih nan duhsakna a hlan a. Prime Minister Narendra Modi pawhin Manipur, Meghalaya leh Tripura te hi lawmpuina chibai a buk bawk.
Prime minister hian Tripura mipuite chu kum khat pawh tling lo chhungin an thang nasa hle tih a sawi a, an ram leh a mipuiin theihna sang tak neiin an thang duak duak a, kum lo kal zelah pawh an than zel a beisei thu a sawi.