Philippine President chu Coldplay concert en tura presidential helicopter a thawhchhuahpui vangin tunlai hian social media-ah nasa taka beih a ni.
President Ferdinand Marcos Jr leh a nupui te chu kartawp liam ta khan Manila khawpui hmar lama Philippine Arene-a Coldplay concert en tur hian helicopter nen an thleng rup mai a, traffic jam nasa tak karah President himna ngaihpawimawh bawk si a nih avangin amah vengtute chuan lei lama kal chu thil tih chi ah an ngai lo niin, thuchhuah siamah a lang.
Hetih lai hian Activist Reno Reyes chuan President chet dan chu Filipino maktaduai tam tak zahlohna ni a sawiin, “Transport chungchangah harsatna leh buaina namen lo kan tawk vek a, traffic jam hmuntinah nitin hrehawm takin kan hmachhawn ziah a.
“Ke-a kal leh lirthei kengte tana mangchhia nitin a nih laia presidential helicopter nena mimal thil, official lam hawi engmah awm bawk si lova, a thawkchhuak hi sorkar sum, mipui tangkai ni bawk dik lo tdaka hmanna a ni,” tiin a âng nasa hle.